બાગેશ્વર ધામમાં પીએમ મોદીએ કેન્સર હોસ્પિટલનું કર્યું શિલાન્યાસ, કહ્યું - "અમુક નેતાઓનુંં ગ્રુપ ધર્મ અને પરંપરાની મજાક ઉડાવે છે."

PM Modi in Bageshwar Dham: વડાપ્રધાન નરેન્દ્ર મોદી મધ્ય પ્રદેશના પ્રવાસે છે. તેમણે રવિવારે છતરપુરમાં બાગેશ્વર ધામ સરકાર મંદિરમાં બાલાજીના દર્શન અને પૂજા કર્યા પછી બાલાજી કેન્સર ઇન્સ્ટિટ્યૂટ એન્ડ રિસર્ચ સેન્ટરનું ડિજિટલ શિલાન્યાસ પણ કર્યો હતો. આ દરમિયાન તેમણે પંડિત ધીરેન્દ્ર શાસ્ત્રીના વખાણ પણ કર્યા હતા. વડાપ્રધાન નરેન્દ્ર મોદીએ કહ્યું કે ખૂબ જ ઓછા સમયમાં મને બીજી વખત વીરોની ભૂમિ બુંદેલખંડ આવવાનું સૌભાગ્ય મળ્યું છે અને આ વખતે બાલાજીનો ફોન આવ્યો છે. હનુમાનજીની કૃપા છે કે આસ્થાનું આ કેન્દ્ર હવે સ્વાસ્થ્યનું પણ કેન્દ્ર બનવા જઈ રહ્યું છે. મેં હમણાં જ અહીં શ્રી બાગેશ્વર ધામ ઇન્સ્ટિટ્યૂટ ઓફ મેડિકલ સાયન્સિસ એન્ડ રિસર્ચનું ભૂમિ પૂજન કર્યું છે.

► પ્રધાનમંત્રી મોદીએ પંડિત ધીરેન્દ્ર શાસ્ત્રીને અભિનંદન પાઠવ્યા

કેન્સર હોસ્પિટલને લઈને પીએમ મોદીએ કહ્યું કે આ સંસ્થા દસ એકર જમીન પર બનાવવામાં આવશે. પ્રથમ તબક્કામાં 100 બેડની સુવિધા તૈયાર થશે. હું આ ઉમદા કાર્ય માટે ધીરેન્દ્ર શાસ્ત્રીને અભિનંદન આપું છું અને બુંદેલખંડના લોકોને અભિનંદન આપું છું.” પીએમ મોદીએ કહ્યું કે બીજાની સેવા, બીજાના દુઃખ દૂર કરવા એ ધર્મ છે. તેથી આપણી પરંપરા રહી છે કે મનુષ્યમાં નારાયણની ભાવના સાથે દરેક જીવને અને જીવમાં શિવની સેવા કરવી. આજકાલ આપણે જોઈ રહ્યા છીએ કે બધે જ મહાકુંભની ચર્ચા થઈ રહી છે.

► કેટલાક લોકો આપણી પરંપરાઓની મજાક ઉડાવે છે:મોદી

પીએમ મોદીએ કહ્યું કે નેતાઓનું એક ગ્રુપ એવું છે જે ધર્મની મજાક ઉડાવે છે. તેઓ આપણા પર્વ અને પરંપરાઓને ગાળો આપતા રહે છે. હિન્દુ આસ્થાની નફરત કરનાર આ લોકો સદીઓથી એક યા બીજા વેશમાં રહેતા આવ્યા છે. તેઓ આપણી માન્યતાઓ, સંસ્કૃતિ અને મંદિરો પર હુમલો કરતા રહે છે. વિદેશી તાકાતો પણ આ લોકોનો સાથ આપે છે.

► આપણાં મંદિરો સામાજિક ચેતનાનું કેન્દ્ર રહ્યાં છે:મોદી

પીએમ મોદીએ કહ્યું કે આપણા મંદિરો એક તરફ પૂજાના કેન્દ્ર અને બીજી તરફ સામાજિક ચેતનાના કેન્દ્રો રહ્યા છે. આપણા ઋષિમુનિઓએ આપણને આયુર્વેદ અને યોગનું વિજ્ઞાન આપ્યું, જેનો પરચમ આજે સમગ્ર વિશ્વમાં લહેરાઈ રહ્યો છે. તેમણે કહ્યું કે આપણા ઋષિમુનિઓએ જ આપણને વિજ્ઞાન આપ્યું, જેનો ધ્વજ દુનિયાભરમાં લહેરાઈ રહ્યો છે. વડાપ્રધાન મોદીએ કહ્યું કે આજકાલ આપણે જોઈ રહ્યા છીએ કે મહાકુંભની ચર્ચા દરેક જગ્યાએ થઈ રહી છે. મહાકુંભ હવે પૂર્ણતાના આરે છે. અત્યાર સુધી કરોડો લોકો ત્યાં પહોંચી ચૂક્યા છે. કરોડો લોકોએ આસ્થાની ડૂબકી લગાવી છે.

Home Page - Gujju News Channel - Latest Gujarati News, તાજા ગુજરાતી સમાચાર, Latest Gujarati News LIVE, Online Gujarati News, Gujarati news headlines today, Gujarati News Channel -PM Modi in Bageshwar Dham : પીએમ મોદી બાગેશ્વર ધામ ધીરેન્દ્ર શાસ્ત્રી

#WATCH | Chhattarpur, Madhya Pradesh | Prime Minister Narendra Modi says, "In a very short time, I have had the good fortune of visiting Bundelkhand, the land of heroes, for the second time and this time I have received a call from Balaji. It is the grace of Lord Hanuman that… pic.twitter.com/gybGArNJwL

— ANI (@ANI) February 23, 2025